ATER-ATER:

 Gandrung Sewu Kembang Dermo hang digelar dalu dina Sabtu (24/10) hing mung nekakaken ruwet lan macet ring antarane penonton. Malah ana hang ndeleng lebih jeru maning, kaya kang Taufik, budayawan Banyuwangi hang sakat metu teka Cluring taun 1987 manggon ring Cirebon lan madeg dadi Ketua FPK (Forum Pembauran Kebangsaan) Cirebon. Anange kang Taufik iki arane Pak Pi'i tau ngedegaken grup kesenian Praburara/Rengganis kira-kira 1940an, hang grupe mau aktip sampek taun 1970an. Aran grupe Langen Sedio Utomo Cluring. Ana anggota grupe hang aran mbah Jaswadi hang milu taun 1950an taping dadi sesepuhe grup Praburara iku hang magih seger seperene.

   Iki tulisane Kang Taufik bab Tangise Gandrung Dermo:

   Juged Gandrung Sewu 2026 sore ibarate kaya gandrung ring tengah kuburan, awak sak omproge dipoleti cet kang kaya ngelambangaken lip-lipan (lip-lipanyang) kuburan (bahasa Indonesiane kunang kunang).

   Iki kang diarani jerangkong urip milenial lan bisa dadi matine Gandrung. 

   Padha sing jelas, Gandrung diserang ning tengah kuburan, teka ndhuwuran gandrung diserang sorote lintang kang digambaraken ring drone, sarane dalan digambaraken ring konser project pop hang kethayalan golet dalan, iku gambaran AREP mati! 

   Mayo padha dirumpaka kesenian. Kang ana jejeg ngadeg njaga Rasa, rumangsa. Padha ilinga ning kang gawe RASA, nduweni ati ring Gandrung. 

   Artine bukaken dalane Gandrung iku jeru-jeru. Kang sapa ndeleng esemane bain mesthi kesemsem dhemen ambi lare iku.

    Isun sampek nggandrungi, sun sampek edan merga Gandrung.

   Gandrung aja maning dijugetaken kaya ring tengah kuburan. Gandrung dadi liplipan hang sara nggoleti dalan.

   Ayo Gandrung Sewu dibalekaken maning dadi tontonan hang ngeregani rasa, bisa dirasakaken endahe merga katon raine hang ayu, merga jugedane hang nggawe ati bisa ngerasa gandrung.

   Tangise Gandrung Dermo dudu mung nangis! Nangis merga dhemen, nangis merga haru sebab isun bisa mbantu ngeramekaken gelarane iki, nangis merga sing percaya isun bisa nyawiji, nangis dudu merga RASA, nangis merga isun kudu tetep njaga Gandrung Ya Gandrung. Ayo padha njaga Gandrung, yaiku isine dudu mung TANGISE GANDRUNG DERMO.