Banyuwangi 1955: Ceritane Tegal Loro
Antariksawan Jusuf (dipublikasikan pada Jumat, 19 Juni 2026 01:09 WIB)
- Laporan
Salah siji sesepuh ring Ikawangi Pusat hang uga dadi salah siji wong hang kawitan milu ngedegaken Ikawangi taun 1972, Pak Abdul Hamid, ngenget-enget paran hang dideleng ring tegal loro. Hang wetan diarani Tegalloji (saiki Taman Blambangan) lan hang kulon diarani Tegal Masjid (saiki Taman Sritanjung).
"Dadi ngengetaken kala semana ya.
Isun iki hing betah kesuwen nang umah. Saben dina njelajah melaku melebu metu kampung-kampung Banyuwangi. Hing duwe sangu, kadhung raina elom ngelak nang dalan ya nggelogok banyu kendhi hang cumawis rata-rata ring ngarepe umahe wong," jare Pak Hamid hang bengen manggon nang Kemasan.
"Akeh kendhine hing tau dikorahi, ya hun ombe sak bercung-bercunge. Sampek emeh entek kuliyah isun ya ucul-uculan gedigu teka desa-desa ring Asia tenggara."
Pak Hamid nggambar peta Tegalloji lan Tegal Masjid jaman taun 1950an kaya ring poto ndhuwur.
"Kesimpulan umum teka rong peta tegal kutha Banyuwangi wayah taun 1950an iku gedigi:
Ning tegal-tegal iku, ambi dalan penghubung rong tegal yaiku dalan raya pasar (kira-kira 200m) dadi urat nadi kegiyatan-kegiyatan wong Bwi sedina-dina, 20 jam sakat jam 2 dalu sampek jam 10 bengi wong Banyuwangi hang melaku sikil, nunggang sepidhah, sepidhah udhud, oplet, becak.
Ana hang arep dodolan, arep negawe, arep belanja, arep sekolah, arep ngaji, nang biskup lan tontonan liya, ambi arep memengan.
Saben-saben uwong duwe kesan lan cerita dhewek-dhewek bab titik-titik panggonan iku hang dadi kenangan budaya Banyuwangi lawas. Kanggonisun komentar-komentar nang panggonan-panggonan iku ana hang manis ana hang pait. Jare isun iku subyektif temenan, hing nenarik kanggo cerita umum.
Tapi kanggone hang neliti lan ngenget panggonan iku paling using bisa munculaken kenangan pait manis ceritane dhewek-dhewek. Muga-muga engetan-engetan iku bisa dadi cerita nang anak putu buyut nalika silaturahmi.
Iki kenanganisun nalika umur 10 taun 1955. (Delengen gambar)
1. Kanjengan/pendhapa
2. Pool bis Intern
3. Umahe Raden
4. KUA
5. Jamu Jago
6. Biskup Sampurna
7. Toko sepatu
8. Warung es wungkul/plat
9. Kantor/tahanan pulisi
AAA kios warung bukak soren
B. Toko India
C. Gule/Sate Pakistan
D. Toko Bata
E. Toko Nyoo
F. Toko Hamidun
G. Toko Limo
H. Toko Iskak
J. Pendopo Kepatihan
K. Pertelon pasar
L. Pom bensin listrik Stanvac
M. Masjid Jami
NNN kios warung bukak isuk
P. Pom bensin engkol Shell
RRR Stanplat oplet
S. Pertelon nyang Lateng
W. Perapatan biskup tengah
Dene, Tegalloji kondhisine gedigi:
Tegalloji.
Pinggir kulon: paling lor kantor Pemkab, asrama batalyon 510 (Inggrisan), kantor tilpun/tilgrap, lapangan tenes, lapangan basket Cina, kantor pos.
1. Kantor Pemkab Kepegawean
2. Inggrisan, Batalyon 510
3. Tekom-telgrap
4. Kantor Pos
5. Lap. Tenes
6. Lap. Basket Cina
Pinggir kidul: Losmen lan bis Alugoro Bwi-Surabaya, kantor pulisi militer, umahe Soponyono, toko IE, hotel Banyuwangi.
7. Losmen Asia Afrika, bis Alugoro Bwi-Suroboyo.
8. Kantor Pulisi Militer
9. Umae Soponyono (Muhdar)
0. Toko IE
A. Hotel Banyuwangi
Pingggir wetan: Sekolah SR/SMP Cina, kantor Pegadean, perumahan Kehutanan, kantor Kopem Malaria.
B. Sekolahan Cina
C. Kantor Pegadean
D. Komplek Kehutanan
E. Kantor Malaria Kopem
Pinggir lor: Sekolah Rakjat Tegalloji, umahe kepala polisi (opas) ambi kepala tentara. Gedung Kamarbola (senthokan).
F. Sekolah Rakjat Tegallodji
GHJ. Umahe penggede Kabupaten
K. Kamarbolah (senthokan/biliar)
XXXpasar butol karung (barang bekas/ loak)
Enget isun se⁷ù⁷⁷ùùùberang pulisi militer Tegallodji (ngarepe kantor pos) tau ana pengadusan montor, banyune teka saluran samping kantor Pos، hing suwi, diusir. Sebrang ngarepe hotel Banyuwangi ya akeh warung resmi manggoni petak-petak dibangun pemkab.
Nang pojokan kulone pendhapa, ana timbangan montor/mobil. Posisine ning gambar antara S lan 1. Menjelang taun 60 Kamarbolah Tegalloji dipindhah samping kulon biskup Sampurna Tegal Masjid.
Redaktur menerima berbagai tulisan, kirimkan tulisan anda dengan mendaftar sebagai kontributor di sini. Mari ikut membangun basa Using dan Belambangan.
