Kolaborasi Hadrah Salawat lan Gamelan Banyuwangi
Arif Sugiono (dipublikasikan pada Selasa, 25 Agustus 2020 06:45 WIB)
- Laporan
Kanggo merujukaken maneka warna budaya Banyuwangi lan nyokong program andhelane yaiku Pembinaan Keimanan lan Ketakwaan, Ikawangi Balikpapan ngetap-tap wulu nganakaken seni hadrah salawatan minangka seni has Banyuwangi.
Mangkane Ikawangi Balikpapan nganakaken latihan seni hadrah salawatan hang dikolaborasi ambi gamelan duwene organisasi. Ikawangi aju nekakaken pelatih teka Semarang hang dipimpin Al Habib Hamid Sholeh Baaqil hang wis biyasah manggung ambi ngiringi Al Habib Syech Assegaf teka Solo. Habib Assegaf iki wis kesuwur nong endi-endi, grup salawat lan hadrahe didhemeni umat utamane nong Kalimantan. Iyane uga tau diundang Pemda Banyuwangi kanggo ngeramekaken Refleksi Akhir Tahun 2019/2020 bareng Ustad Yusuf Mansyur.
Latihan hang dipimpin ambi Habib Baaqil wis dianakaken kira-kira seminggu suwine ring pertengahan ulan Agustus sore.
Jare Ketua Umum Ikawangi Balikpapan AKBP. H. Suyitno SH. MHum. nyang kontributor belambangan.com seni hadrah salawatan hang dikolaborasi ambi gamelan minangka program unggulan merga sedurunge durung ana hang nggawe gedigi.
Jare Suyitno kesenian Banyuwangi iki dikarepaken bisa saya didhemeni masarakat merga ngelebokaken unsur religi ring njerone. Kekarepane, kapan-kapan bisa nekakaken Habib Assegaf lan gamelan Ikawangi bisa manggung bareng ambi kelompok hadrahe.
Redaktur menerima berbagai tulisan, kirimkan tulisan anda dengan mendaftar sebagai kontributor di sini. Mari ikut membangun basa Using dan Belambangan.
