Lomba Maca Terjemah Quran Basa Using

Nur Holipah (dipublikasikan pada Rabu, 04 Januari 2023 09:04 WIB)
- Laporan

Mengeti Hari Amal Bhakti (HAB) Kementerian Agama Republik Indonesia (Kemenag RI) kaping 77, Universitas Islam Negeri Kiai Haji Achmad Siddiq (UIN KHAS) Jember nganakaken Lomba Maca lan Terjemah Quran Basa Using, Selasa 3 Januari 2023 sore. Manggon ring aula lawas, lomba iki dipiloni dosen, karyawan, hang wis dikongkon lan ditunjuk fakultas, unit lan lembaga hang ana ring kana, totale ana 25 peserta.

Pesertane yaiku: 

FTIK: Fikru, Royan & Inayah
FEBI: Abdur Rohim. Nikmatul mas ruroh. M. F Hidayatullah lan Nur Hidayat
FUAH: Faiz, Mahrus, Devi
FD: Arik Fajar, Febri, Anik Qotuz
FS: Luthfi Nur Cahyo lan Najich Hamdi
PASCA: Ahmad  Hayyan Najich lan  Lailatul Usriyah
Dharma Wanita: Istibanah lan Husnul Khatimah
Rektorat: Kholifatusshoimah lan
Ima (Humas)
Perpustakaan: Suyitno + Putri
Perorangan: Bambang Irawan

Kelawan dijuri H. M. Syamsudin, M.Ag, Drs. H. Mahrus, M.Pd.I, Aisatun Nurhayati, S.Ag. MIP, kabeh peserta ngawiti penampilan kelawan maca Patihah aju ditutugaken maca maqra hang wis diedumaken.
Munitorun Naimah, salah siji peserta hang ketepakan aseli Banyuwangi (Blambangan Muncar), ngakoni dak iyane masiya hing bisa ngomong cara Using, tapi tetep milu kanggone makili unite (Humas).
"Isun durung biyasah ngomong Using, tapi kadhung ana wong ngomong, isun ngarti lan paham.." abane Munirotun Naimah. "Temune hing biyasah lahjahe (dialek).."

Kaya hang wis diwertakaken sakdurunge, penerjemahan Quuan Basa Using wis diangkati sakat 2018, merga anane program teka Kemenag RI hang megawe bareng ambi Fakultas Ushuluddin Adab dan Humaniora (FUAH), UIN KHAS Jember. Tim lan validator hang nduweni latar mburi pendidikan pesantren, praktisi pendidikan, ustad, kiyai, lan pengasuh pondhokan, katut ring iwuh penerjemahan iku. Mari divalidasi, terjemahan iku terus diwakaken nyang Lajnah Pentashih Mushaf Al Qur'an. Kecathet ana 17 anggota penerjemah lan 30 anggota validator hang milu ibuk ngersaya anggone duwe gawe iki. 

Pengumuman pemenang buru arep diumumaken tepak acara Dies-Natalis UIN.

Redaktur menerima berbagai tulisan, kirimkan tulisan anda dengan mendaftar sebagai kontributor di sini. Mari ikut membangun basa Using dan Belambangan.