Tradhisi Ider Bumi Desa Bareng Kabat lan Kemiren Glagah
Andi Sep Kurniawan (dipublikasikan pada Kamis, 05 Mei 2022 06:43 WIB)
- Laporan
Desa Bareng Kabat an Kemiren Glagah nduwe tradhisi Ider bumi dhewek-dhewek. Desa-desa hang ana ring kecamatan Kabat akehe 14 antarane Bareng, Bunder, Gombolirang, Benelanlor, Macanputih, Tambong, Labanasem, Kabat, Pondoknongko, Pakistaji, Kedayunan, Dadapan, Kalirejo lan Pendarungan. Ana ring dina kepindho lebaran Idul Fitri, Desa Bareng ngerayakaken tradhisi Ider Bumi.
Tradhisi Ider bumine dianakaken saben taun, tepak ring dina kepindho lebaran Idul Fitri. Kegiyatane diangkati ring Dusun Tembelang. Ngawiti teka bucu kulon muteri dalan-dalan, melaku nengen. Masarakat Desa Bareng padha guyub, saban bucu mandheg lan adan bareng-bareng.
Kegiyatan Ider bumi tujuwane yaiku njaluk nong Pengeran dienggo nolak balak padha kaya desa-desa liyane. Naming hang beda wektu dienggo mengeti kayatah ning Desa Kemiren mengeti Ider bumi tanggal 2 syawal, Pondoknongko tanggal 10 Sura, lan sakliyane. Tradhisi mula kudu terus diuri-uri makene anak putu magih bisa meruhi.
Ring Kemiren kecamatan Glagah masarakat nganakaken Ider Bumi tanggal 3 Mei sore. Iwuh hang ditekani wong kelebu wong kelenceran iki mula tradhisi rakyat hang wis turun temurun lan wis melebu ring agenda Banyuwangi Festival.
Tradhisi Ider Bumi ring Kemiren dikawiti kelawan ritual nyekar ring petilasan (makam) Buyut Cili hang dianggep leluhur warga Kemiren. Marek iku ana arak-arakan barong Kemiren sak dawane dalan desa.
Tradhisi taun iki mula katon seru rumange merga ring rong taun sedurunge mung dianakaken sak anane kerana anane pageblug. Saiki wis balik kaya biyasahe ulih ngundang penonton.
Redaktur menerima berbagai tulisan, kirimkan tulisan anda dengan mendaftar sebagai kontributor di sini. Mari ikut membangun basa Using dan Belambangan.
