Seri Basa Using Lawas: R. Soedira (21)

Antariksawan Jusuf (dipublikasikan pada Selasa, 27 Juni 2023 05:43 WIB)
- Kolom Bahasa Using

Cathetane R. Soedira 1920 (W74-01-21)

Ater-ater:

R. Soedira nulis ucap-ucap basa Using pirangane jilid taun 1920. Aju, makene bisa diwaca wong akeh, belambangan.com ngetokaken isine sithik-sithik.

Ejaan lan keterangan wis ngeliwati proses suntingan. Umpamane: oe dadi u, tj dadi c, dj dadi j, j dadi y, awalan h dadi ilang. Keterangane teka basa Jawa dadi basa Indonesia. Tandha titik ring ngingsore ukara d/t dadi dh/th. Keterangan kr (krama) dadi besiki. Ejaan liyane, kayata klapa, mlaku (hang nganggo ejaan saiki mesthine ditulis dadi kelapa, melaku) miloni naskah aseline. Conto ukarane dijuwut teka naskah aseline, mulane magih kecampur basa Jawa sithik. Kayata, ana yen (mesthine kadhung), nuli (aju), mbeneri (ketepakan), klapa (kelapa) lan liya-liyane. Urutan ucape plek ketiplek njuwut teka manuskrip hang ana 10 jilid.

lepah: kondisi nasi yang sudah tanak.

Si Emak adang sega ditinggal nyang kali, bareng sun deleng wis lepah, nuli (aju-red) sun entas.

lempelu (ngempelu): mengigau, berbicara saat tidur.

Si Karta iku uni bengi turu ring bangku, bareng (sarta-red) tengah wengi ngempelu (ngelilir ambi ngomong nuli turu maning).

lempog= getuk, nama kue yang terbuat dari pisang (singkong atau ketela rambat), ditumbuk, dicampur kelapa parutan dan garam.

Si Minah olah lempog gedhang rasane gurih.

lebih: lebih, dalam hal hitungan yang tidak cocog.

Si Marsa tuku endhog pitik akehe 30 iji, bareng (sarta-red) diitung maning ana 31 iji, dadi lebih siji.

ledhang (ledhak): longgar, untuk barang kecil yang dimasukkan ke lubang yang besar.

Si Siman gawe ali-ali saka bathok klapa, bareng dilebokaken ring enthik-enthikan ledhang.

parot (diparoti): disimpan, barang yang dimasukkan ke satu wadah.

Si Kartinah iku suwenge dibuka nuli (aju-red) diparoti ring lemari.

paran: apa, kata tanya.

Si Marsa teka pasar tuku paran?

paceke: selalu.

Si Parlan iku gawene turu bae (bain-red), paceke lare males.

paso: kuwali, wadhah yang berbentuk bundar, terbuat dari tanah liat.

Si Senen tuku paso kanggo wadhah ngasahi piring kotor.

pateyan (semestinya ditulis patehan berasal dari kata teh tetapi memang diucapkan pateyan-red): nama cingkir dan piring kecil alasnya.

Isun nyang pasar tuku pateyan selosin.

Redaktur menerima berbagai tulisan, kirimkan tulisan anda dengan mendaftar sebagai kontributor di sini. Mari ikut membangun basa Using dan Belambangan.